A Xanela das Fucas Nº 61

A Xanela das Fucas

Programa nº 61 - (18- 11-2021) Facémonos eco dunha exposición que se celebra en Vigo guiadas pola artista ferrolá Doce Anca. Cúmprese un cuarto de século da morte de Xosé Lodeiro e a familia quere saldar dúas materias pendentes: unha exposición retrospectiva na súa cidade e o catálogo universal da súa obra. Por este motivo Doce achéganos a Ruth Lodeiro , a súa filla e comisaria da exposición As dúas sinalan o difícil e tamén á vez gratificante que resulta o recompilar a obra dun artista tan produtivo como foi Xosé Lodeiro. En setembro cumpríronse 25 anos da súa morte, membro do grupo Atlántica, que sempre asinaba os seus cadros “Lodeiro, o pintor de Vigo” “Lodeiro andou polo mundo adiante, pero sempre volvía a Vigo; naceu na Falperra, creceu en Teis e tivo o seu estudo en Marqués de Valladares, onde ten unha placa; foi bondadoso, xeneroso e moi implicado a nivel social e politicamente”, afirma a súa filla, que destaca a súa facilidade de facer accesible a arte: “Era un home moi popular”. Como persoa e como artista tamén foi valorado polos seus compañeiros. Antón Patiño, compañeiro do Grupo Atlántica, destaca de Lodeiro “ o seu universo de gran intensidade sempre a reflectir ou cromatismo e a cor”. Menchu Lamas di da súa pintura que “reflectiu a cidade cunha xeometría colorista e apaixonada”. Xavier Magalhães táchao de “amigo dous seus amigos” e escolle entre as súas virtudes “ ter sido un traballador constante dá súa pintura, apostou por ela”. Durante a entrevista asistimos a unha deliciosa descrición da obra de Lodeiro por parte de Doce e Ruth , á vez que a relación cos distintos movementos pictóricos do momento en que viviu. Grazas Doce…. Grazas Ruth….. seguide creando Convidadas: Dulce Anca e Ruth Lodeiro Fucas que participan: Chelo Carballal Balsa; Eva Tizon Bouza A música que escoitamos: A sintonía do programa: La Vita E Bella, (Nicola Piova) ; Mares igual que tú (Amaral); Brincadeira ( Camerata Meiga); Brindis La Traviata ( Jam Budhart) .