Robin van Persie stiet noch altyd efter syn kar om in soad te wikseljen yn syn opstelling. De trainer fan Sportklup Hearrenfean leit yn de Sportcast fan Omrop Fryslân út hoe't syn spilers syn fertrouwen fertsjinje moatte. Fierder fertelt Van Persie ûnder oaren oer de moeting mei syn idoal Maradona en syn bân mei 'fuotbalheit' Arsène Wenger.…

Neist in gebrek oan punten, ûntbrekt it neffens Geert Jelle de Vries ek oan plezier by sportklup Hearrenfean. De ploech fan Robin van Persie ferlear dit wykein fan Fortuna Sittard, wie kânsleas en neffens de âld-fuotballer mei der wol wat mear plezier yn komme.Door Omrop Fryslân

Ald-Hearrenfeanspiler Joost van Aken hat jierrenlang swiere pynstillers slikt om fuotbalje te kinnen. Dat fertelt er yn de Sportcast fan Omrop Fryslân.Door Omrop Fryslân

"Volgens mij is het niet mijn rol om elke dag een half uur met de spelers te kletsen over het weer." Sa reagearret Robin van Persie op de wurden fan keeper Andries Noppert. Yn de Sportcast is de konklúzje dúdlik: Noppert hat wat mear leafde nedich.Door Omrop Fryslân

Oft it no trainer Henk de Jong wie of syn assistinten Jeroen Burghout en Rik Reinsma, de technyske stêf fan SC Cambuur krige in soad krityk de ôfrûne wiken troch de minne prestaasjes. Oanfierder Mark Diemers fertelt yn de Sportcast dat it him steurt.Door Omrop Fryslân

Der is in 'reële kâns' dat Sandor van der Heide werom komt by SC Cambuur. Hy moat as ekstra assistint-trainer oan de technyske stêf taheakke wurde om it swalkjende Cambuur út de krisis te helpen, sa is te hearren yn de Sportcast fan Omrop Fryslân.Door Omrop Fryslân

De krityk op Cambuurtrainer Henk de Jong boazet oan nei de fiifde kompetysjenederlaach fan dit noch jonge seizoen. Neffens klupikoan Foppe de Haan fan Sportklup Hearrenfean sjitte de Ljouwerters der neat mei op as se him dien jouwe. Dat seit de 81-jierrige âld-fuotbaltrainer yn de Sportcast fan Omrop Fryslân.…

Sportklup Hearrenfean naam tsjin FC Grins krekt wat minder risiko yn de opbou as yn de wedstriden dêrfoar. It wie ien fan de redenen dat de ploech fan trainer Robin van Persie mei 2-1 wûn. Dat seit âld-fuotballer en tsjinwurdich sportsjoernalist Tieme Klompe yn de Sportcast fan Omrop Fryslân.Door Omrop Fryslân

As jildsjitter Pieter Kooi op it lêste momint net mei miljoenen euro's ekstra oer de brêge kaam wie, dan hie Cambuur no net yn it nije stadion fuotbalje kinnen. Dat fertelt de Drachster ûndernimmer yn de Sportcast.Door Omrop Fryslân

Hy wie de einferantwurdlike foar 'Operaasje Grutte Himmelaksje' by SC Cambuur. Technysk manager Lars Lambooij sjocht yn de Sportcast fan Omrop Fryslân mei in tefreden gefoel werom op syn earste transferperioade.Door Omrop Fryslân

Wurkje foar ien fan de grutste fuotbalklups op de wrâld: Sipke Hulshoff docht it op dit stuit. Hy is assistint-trainer fan Arne Slot by Liverpool. Snein noch wûn dy ploech mei 3-0 fan grutte rivaal Manchester United.Door Omrop Fryslân

It wol noch net foar SC Cambuur dit seizoen. De Ljouwerters krigen kâns op kâns tsjin Helmond Sport en TOP Oss, mar beide kearen waard der mei 1-0 ferlern. Ald-fuotballer Geert Jelle de Vries is kritysk op de ploech fan trainer Henk de Jong.Door Omrop Fryslân

Gerald Sibon is ûnder de yndruk fan de wurkwize fan Robin van Persie by sc Hearrenfean, dat fertelt hy yn de Sportcast fan Omrop Fryslân. "Ik vind het voetbal leuk om naar te kijken en vindt het bijzonder knap hoe hij dat in korte tijd voor elkaar heeft gekregen."Door Omrop Fryslân

Der moat dizze wike noch in hoop gebeure yn it Kooi Stadion, dêr't SC Cambuur snein de earste wedstriid spilet. It komt allegear optiid klear, fertelt algemien direkteur Ard de Graaf yn de Sportcast fan Omrop Fryslân.Door Omrop Fryslân

Robin van Persie preket positivisme by Sportklup Hearrenfean. Yn de earste ôflevering fan it nije seizoen fan de Sportcast wurdt it optimisme fan de nije trainer oernaam.Door Omrop Fryslân

"Dan denken ze: wat is dit voor idioot?" As para-fytser Tristan Bangma mei grutte mannen as Gerraint Thomas in berch opklimt, sjogge se wolris frjemd oan. Bangma en Lisette Bruinsma fertelle oer har tarieiding op de Paralympyske Spelen.Door Omrop Fryslân

Sporte tusken de militêren, in gouden medaille, hast in brân en de sykte fan Lyme. Friezen kenne in turbulinte skiednis op de Olympyske Spelen. De sportcast stiet dizze moanne yn it teken fan de Olympyske Spelen. Omrop Fryslân praat mei sporters en âld-sporters oer it grutste sportevenemint fan de wrâld. Dit kear binne dat trije âld-dielnimmers: hu…

Fjouwer Friezen leveren yn 1996 in unike en histoaryske prestaasje. Se wûnen goud op de Olympyske Spelen mei de Nederlânske follybalploech yn Atlanta. In momint dat Joop Alberda altyd bybliuwe sil: "It wie foar my in twadde geboarte."Door Omrop Fryslân

Sân Friezen dogge dizze simmer mei oan de Olympyske Spelen. Mei trije fan harren sjogge we yn de Olympyske Sportcast foarút nei de Spelen en besprekke we harren medaljekânsen.Door Omrop Fryslân

Mark Diemers is werom yn Ljouwert nei syn earste jier by AEK Larnaca op Syprus. De fuotballer waard dêr krekt gjin kampioen, mar belibbe fan alles fertelt er yn de Sportcast fan Omrop Fryslân. Dit is de lêste ôflevering fan de Sportcast fan dit seizoen. Op moandei 29 july binne sportferslachjouwers Roelof de Vries, Andor Faber, Geert van Tuinen en …

Robin van Persie hat in goeie yndruk makke by syn presintaasje by Sportklup Hearrenfean. Benammen dat it minsklike aspekt heech by him yn it findel stiet, sprekt de ferslachjouwers oan yn de Sportcast fan Omrop Fryslân.Door Omrop Fryslân

By de wederopbou fan SC Cambuur is in grutte rol weilein foar Ruben de Jong. Hy is de soan fan trainer Henk en is sûnt koart haad scouting by de Ljouwerters. Ruben skoot oan, tegearre mei âld-spiler Sandor van der Heide, oan yn de Sportcast fan Omrop Fryslân.Door Omrop Fryslân

It is in swaktebod fan de technyske stêf fan Sportklup Hearrenfean om Mickey van der Hart derút te heljen. Dat seit âld-fuotballer Geert Jelle de Vries yn de Sportcast fan Omrop Fryslân.Door Omrop Fryslân

De komst fan Robin van Persie nei Sportklup Hearrenfean sil in grutte impact hawwe. Dat tinkt âld-spiler en -trainer Tieme Klompe, dy't it yn de Sportcast fan Omrop Fryslân fergeliket mei it oanstellen fan Marco van Basten.Door Omrop Fryslân

Ferry de Haan ferwachtet dat oer in pear wiken dúdlik is wa't de nije trainer wurdt fan sc Hearrenfean. Dat der in akkoart is mei VVV Venlo-trainer Rick Kruys, ûntkent de algemien direkteur fan de Feansters yn de Sportcast fan Omrop Fryslân.Door Omrop Fryslân

Wa moat de nije trainer fan sportklup Hearrenfean wurde? Wurdt it Maurice Steijn? Rick Kruys? Robin van Persie? Âld-sportferslachjouwer Willem de Vries hat wol in foarkar en dat is net ien fan dizze trije.Door Omrop Fryslân

SC Cambuur hellet de play-offs om promoasje nei de earedivyzje, nettsjinsteande it swiere programma dat de Ljouwerters noch hawwe. Dy ferwachting sprekt oanfierder Daniël van Kaam út yn de Sportcast fan Omrop Fryslân.Door Omrop Fryslân

De kâns is libbensgrut dat SC Cambuur op koarte termyn Lars Lambooij presintearje sil as nije technysk manager. Dêrfoar moatte de Ljouwerters 100.000 euro betelje. Yn de Sportcast binne de mienings dêroer ferdield.Door Omrop Fryslân

Sipke Hulshoff is de dreamde kandidaat foar Sportklup Hearrenfean om de ôfskie nimmende Kees van Wonderen op te folgjen. Dat seit âld-fuotballer Sandor van der Heide yn de Sportcast fan Omrop Fryslân.Door Omrop Fryslân

Henk de Jong giet net nei Liverpool. De trainer fan de Ingelske topklup, Jürgen Klopp, hie him útnoege om ris del te kommen. Yn de Sportcast fan Omrop Fryslân docht bliken dat De Jong dêr net op yn giet.Door Omrop Fryslân

Kees van Wonderen hâldt nei dit jier op by SC Hearrenfean. Yn de Sportcast sjogge de oanwêzigen mei de trainer werom op syn tiid yn Fryslân. Ek rjochtsje se de blik nei de takomst. Wat sil er nei de simmer dwaan, en wa moat it stokje fan him oernimme?Door Omrop Fryslân

Hie trainer Kees van Wonderen de sitewaasje rûn de wiksel fan Anas Tahiri oars oanpakke moatten? Yn de Sportcast binne de mienings ferdield.Door Omrop Fryslân

Trainer Johnny Jansen is sûnt in heal jier haadtrainer by PEC Zwolle. Snein komt hy wer werom nei it Abe Lenstra Stadion foar de wedstriid tsjin PEC Zwolle. Oait tinkt hy der ek wol oan om noch werom te kommen by Hearrenfean.Door Omrop Fryslân

Der is eins gjin thúswedstriid fan Sportklup Hearrenfean dy't earefoarsitter Riemer van der Velde oerslacht. Mar alle kearen nei it Abe Lenstra Stadion is dit seizoen net altyd like maklik, sa jout de 83-jierrige âld-bestjoerder ta yn de Sportcast fan Omrop Fryslân.Door Omrop Fryslân

Ard de Graaf is bliid dat SC Cambuur yn de heale finale fan de KNVB-beker in thúswedstriid spilet. Al sân jier rint de algemien direkteur fan de klup nammentlik mei in 'bekertraumaatje' rûn, fertelt er yn de Sportcast fan Omrop Fryslân.Door Omrop Fryslân

It is in teken fan swakte dat Kees van Wonderen noch net wit oft sc Hearrenfean syn ôfrinnende kontrakt ferlinge wol. Dat fynt âld-trainer Gertjan Verbeek.Door Omrop Fryslân

It is foarearst klear mei Andries Noppert op 'e goal by sc Hearrenfean. Trainer Kees van Wonderen moat Mickey van der Hart de foarkar jaan, falt te hearren yn de Sportcast.Door Omrop Fryslân

Martijn Barto is no noch assistint-trainer fan SC Cambuur, mar op termyn hopet er sels de einferantwurdlikheid te hawwen. Dat seit de âld-fuotballer yn de Sportcast fan Omrop Fryslân.Door Omrop Fryslân

Der wurdt dizze winterske transferperioade gjin fjoerwurk ferwachte by SC Cambuur. Dat is tritich kilometer fierderop by sc Hearrenfean hiel oars. En yn de Sportcast is beslach lein op it 'polletje' fan Andries Noppert.Door Omrop Fryslân

Jan de Jonge is krekt werom út Libanon en wol wer oan de slach yn de fuotbalwrâld yn Nederlân. In amateurklup of by syn âlde leafde Hearrenfean. De Jonge is beskikber, sa fertelt hy yn de Sportcast.Door Omrop Fryslân

Reedrydcoach Jillert Anema hat sneon de oeuvrepriis fan Sport Fryslân krigen. 'It orakel fan Bontebok' wurdt priizge foar hoe't er it bêste út syn riders krije kin, mei syn soms ûnkonvinsjonele oanpak. De priis waard útrikt yn 'Sportkafee Bakker en De Vries'. Jillert Annema wie tegearre te gast mei Cambuur-trainer Henk de Jong. Yn de podcast seagen…

It is de tiid fan weromsjen, foarútsjen en it meitsjen fan goeie foarnimmens. We sjogge yn de Sportcast werom op it fuotbaljier 2023 yn in spesjale krystôflevering.Door Omrop Fryslân

Yn de winterstop sil Ferry de Haan, direkteur fan sc Hearrenfean, om tafel mei trainer Kees van Wonderen oer syn ôfrinnende kontrakt. Klupikoan Foppe de Haan soe it ferlinge, mar hat noch wol in tal opmerkings. Dat seit er yn de Sportcast.Door Omrop Fryslân

Henk de Jong hopet dat syn ôfrinnende kontrakt ferlinge wurdt en dat er ek de kommende jierren trainer is by SC Cambuur. Dat fertelt de Drachtster yn de Sportcast fan Omrop Fryslân.Door Omrop Fryslân

Sportklup Hearrenfean swingde freedtejûn. It stadion genoat, it fuotbal wie moai en Hearrenfean wûn mei 3-0 fan Almere City. Dochs binne der neffens âld-fuotballer Geert Jelle de Vries ek soargen. Foaral finansjeel.Door Omrop Fryslân

Dat technysk direkteur Etiënne Reijnen al nei in healjier fuort giet by SC Cambuur, is eksimplarysk foar it gebrek oan loyaliteit yn de fuotbalwrâld. Dat sizze de sportferslachjouwers yn de Sportcast.Door Omrop Fryslân

It is noch krekt gjin nasjonale diskusje: wa moat der yn de spits by sc Hearrenfean? Is dat Daniel Karlsbakk? Moat dat Ion Nicolaescu wurde? Of moat Pelle van Amersfoort der yn? Dy lêste is te gast yn de Sportcast en skoarde de lêste kompetysjewedstriid syn earste goal fan dit seizoen. "Het vrat aan me."…

It giet hieltyd better mei sportklup Hearrenfean. De ploech spilet better en is opklommen nei it tsiende plak. Mar oft dêrmei it lek folslein boppe is, oft trainer Kees van Wonderen wis is fan syn plak op de bank en oft de play-offs dit seizoen wol helle wurde, is noch mar de fraach.Door Omrop Fryslân

De wikseling fan trainer by SC Cambuur hat in positive wurking hân. Neist dat der ûnder trainer Henk de Jong no twa kear wûn waard, sjocht it fuotbal der ek better út. Dat fynt âld-fuotballer Sandor van der Heide.Door Omrop Fryslân

SC Cambuur stekt de wierheid fan it konflikt tusken trainer Henk de Jong en Silvester van der Water mei opset sin yn 'e dôfpot. Dat sizze de beide Cambuurferslachjouwers fan Omrop Fryslân yn de Sportcast.Door Omrop Fryslân